Daywa ka sachet it suspected shabu ginturn-over sa Kalibo PNP

12

Kalibo, Aklan – Daywa ka mga sachet it suspected shabu rong rong turn-over kaina it sangka dispatcher sa Kalibo Police Station.
Suno sa sangka 39-anyos nga dispatcher it mga van nga samtang naga limpyo imaw it van nga halin sa Roxas sa andang terminal sa prente it City Mall hay naka kita imaw it may nakaputos it papel sa idaeom it bangko ag sa anang pagbukad hay raya ro anang nakita.
Insigida nana dayon nga ginturn-over sa Kalibo PNP. Ginapatihan nga basi ginpasimpleng ginhuoeg raya it tag-ana bangud nga suno sa driver it van kaina paghalin nanda sa Roxas City hay may nahaagyan ra sandang checkpoint sa banwa it Altavas ag basi hinadlukan ro tag-ana.
Gina bana-bana nga more or less P 7,500 pesos rong market value kara.
Samtang sa pihak nga parte, sun okay PEMSgt. Abraham Regatalio rong Chief Invest it Kalibo PNP nga base sa andang standard operation procedure ro rayang suspected shabu hay iga turn over sa Provincial Crime Lab para sa pag examine.
Igapatigayon man rong dugang nga imbestigasyon para makilaea rong tawo nga nakapungko maeapit sa nakitaan it items.

Facebook Comments

From Advertisers