DC-PEACE Dev mututok sa mga problema sa kabukiran

20

Davao City- Giklaro karon sa mga myembro sa DC Peace Dev kon Advisory Committee on Peace and Development (kanhing DC Peace) nga wala nay mahitabong negosyasyon tali sa mga NPA leaders human gipadeklara ni Presidente Rodrigo Duterte ang New Peoples Army (NPA) nga usa ka terrorist organization.

Hinuon giingon ni Atty. Elisa Lapiña ang spokesperson sa maong komitiba nga padayong mututok ang ilang grupo ngadto sa mga problema sa komunidad ug ipromotar ang kalinaw sa mga kabukiran.

“Target ng advisory committee is yung community based na talaga tayo, we listen to them, kung anong hinaing ng mga community members because initially, ang magiging trabaho ng DC-PEACE Dev is to go to this identified place and then we’ll talk with the barangay officials and some representatives of the community,” segun ni Lapiña.

Dugang ni Lapiña gimandaoan sila ni Davao City Mayor Inday Sara Duterte-Carpio nga i-reach out ang komunidad aron matubag ang mga problema sa mga residente.

Sa pikas bahin gibutyag usab ni Irene Santiago ang consultant sa DC Peace Development nga bisan pa man kanselado na ang peacetalks, buot nilang i-reach out ang mga komunidad nga layo sa kalamboan ingon man mahatagan sila og higayon nga madunggan ang ilang tingog kalabot sa mga problema sa ilang lugar.

“…Listening to the people, giving them a voice, to people who have been excluded from development this is probably the most empowering thing that can happen, so this is what the committee is going to do,” matod ni Santiago.

Nasayran nga ugmang adlawa ipahigayon ang strategic planning alang sa DC Peace Dev ug ipahigayon ang ang ilang area visitation karong Disyembre 20.

Sa lahing media interview giingon ni Duterte nga ang DC Peace Dev mututok na lamang sa social services nga ilang itunol gikan sa City Government of Davao.

Giklaro sa alkalde ning dakbayan nga hinay-hinay usa sila karon sa DC Peace sa gilaraw nga localized peacetalks sanglit ang pakig-istorya ngadto sa rebeldeng pundok malagmit magbutang kanila sa gitawag nga ‘sensitive and dangerous situation’ gumikan sa lagda sa Human Security Act.
“The problem is kung makig istorya mi sa usa ka terorista ma-link mi as supporter or sympathizer of a terrorist so mas mag worsen ang imohang sitwasyon and because the label is not limited diri sa Philippines, once you are labeled as terrorist, musulod ka didto sa listahan sa mga terrorista all over the world. So that is a very sensitive matter, that is why gi-park sa namo, that is why dili nami makig istorya sa ilaha, makig istorya na lang mi sa mga tawo sa communities,” segun ni Duterte.

RadyoMan Abi Bibera

Facebook Comments