Davao City – Kinahanglan ma-adopt sa mga negosyo ang kabag-uhan ilabi na sa pagpatuman sa ‘new normal’ nunot sa COVID-19 crisis.
Sa interview sa DXDC RMN Davao kang Davao City Chamber of Commerce & Industry, Inc. (DCCCII) President John Tria, naobserbahan niini nga maayo karon ang online platform ug delivery system gani duna usab mga kumpanya ang nag-adopt sa work from home diin kini usab dakong tabang alang sa mga kumpanya nga maproteksyunan ang ilang mga trabahante.
“Ang pinaka-importante pagpakusog sa ekonomiya pinaagi sa pag-protektar sa mga trabaho sa atong mga empleyado. The more employees ang ma-retain nato, the more business ang atong ma sustain, kusog ang ekonomiya, paspas ang atong recovery,” segun ni Tria.
Samtang gisugilon usab ni Tria nga naglusad sila karon og konsultasyon og unsay angay buhaton sa mga kumpanyang nagsara o magsara gumikan sa epekto sa krisis sa COVID-19 diin namatikdan karon ang pagkunhod sa volume sa mga businesses lakip ang tourism sector.
RadyoMaN Renz Barbarona
