Sa interbyu sa DXDC RMN Davao kang Aisa Usop, DCOTT Manager, gibutyag niini nga sa kasamtangan, mo-average sa 600 ngadto na sa 800 ka biyahe ang matala matag adlaw ug iyang gilauman nga modoble pa ang ihap sa biyahe ang matala atol sa maong panahon.
Matud ni Usop, anaa sa 100,000 ka pasahero ang laumang mudagsa ilabina nga luag na ang restrictions batok Coronavirus Disease 2019 (COVID-19).
“Ako naga-expect nga more than 1,500 (trips) or basi’g maabot pa ta’g 2,000 tungod lagi sa kadaghanon sa pasahero nga mubiyahe tungod sa kadugay nga wala sila kaduaw sa (ilang) mahal sa kinabuhi (nga mipanaw),” matud ni Usop.
Gilauman sa DCOTT Manager, modagsa na ang mga pasahero sa Oktubre 28 tungod sa long weekend human gideklara ni Presidente Ferdinand “Bongbong” Marcos Jr. isip holiday ang Oktubre 31 ug Nobyembre 1, 2022.
RadyoMaN Kirby Manzon
