Davao City – Gilauman na sa Davao City Overland Transport Terminal (DCOTT) ang dagsa sa mga pasahero sa peak season sama sa umaabot nga Undas.
Sa interbyu sa DXDC RMN Davao kang Aiza Usop, DCOTT manager, gisaysay niini nga sa normal nga mga adlaw, anaa lamang sa 650-700 ka bus trips o mukarga sa 30,000 hangtud 35,000 ka mga pasahero ang matala matag adlaw diin mas daghan pa gyud niini ang matala sa peak season.
“During those peak days sama aning atong Undas, maabot ta og 1,200 pataas nga bus trips a day. That is an equivalent of mga 50,000-70,000 of passengers nga musakay diha sa atoang terminal everyday,” saysay ni Usop.
Saysay ni Usop nga layo pa lang ang Undas, gipangandaman na sa DCOTT ang mga posibleng problema aron mahatagan kini og sayo nga solusyon.
RadyoMaN Kirby Manzon
