Davao City – Giaprubahan sa Davao City Overland Transport Terminal (DCOTT) ang alas-9 sa gabii nga last trip o biyahe sa mga bus.
Sa interbyu sa DXDC RMN Davao kang Aiza Usop, DCOTT Manager, gibutyag niini nga mihangyo ang mga bus operator nga isibog sa alas-9 sa gabii ang last trip, gikan sa kasamtangang alas-7 sa gabii.
“Supposedly ang atoang last trip is alas-7 sa gabii because of the curfew that we are implementing, but the bus operators requested us nga kung mahimo hangtud alas-9 sa gabii ang atoang last trip. So, atoa kanang gi-grant,” butyag ni Usop.
Dugang ni Usop nga nihangyo usab ang mga operator nga isibog ang oras first trip ngadto sa alas-2 sa kaadlawon gikan sa kasamtangang alas-4 sa kaadlawon apan kini wala pa pay desisyon gikan sa DCOTT management o wala pa naaprubahan.
Sa pagkakaron, gipangandaman na usab sa DCOTT ang posibleng pagdagsa sa pasahero sa umaabot nga Semana Santa diin gisiguro usab niini nga adunay igong sakyanan alang sa mga biyahero sa maong panahon.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
