Davao City – Balik operasyon na ang Davao City Overland Transport Terminal (DCOTT) karong Lunes, Mayo 25, 2020.
Kini ang gikumpirma sa DXDC RMN Davao ni Aiza Usop, DCOTT manager human nga aduna nay abiso kanila nga mamahimo na’ng mubiyahe ang mga provincial buses sa maong panahon.
“Naa nay gihatag sa atoa nga go signal nga karong May 25 atoa na’ng i-open ang atoang DCOTT terminal alang sa atoang mga provincial buses nato,” saysay ni Usop.
Gitataw ni Usop nga limitado lang ang mga bus nga mubiyahe. Kinahanglan usab nga makig-alayon ang mga bus companies sa Land Transportation Franchising and Regulatory Board (LFTRB) sa pag-apply og special permit.
Dugang sa DCOTT manager nga alas-8 sa buntag hangtud alas-4 sa hapon lamang ang biyahe. Angay usab nga sundon sa mga pasahero ang mga protective measures batok COVID-19 sulod sa terminal sama sa social distancing.
RadyoMaN Kirby Manzon
