DCOTT: Biyahe outside Davao Region gi-proseso

51

Davao City – Gikumpirma sa kadumalahan sa Davao City Overland Transport Terminal (DCOTT) nga ginapangandaman pa ang biyahe gawas sa Davao Region.

Sa interbyu sa DXDC RMN Davao kang Aiza Usop, DCOTT Manager, gibutyag niini nga sa pagkakaron nagpabiling sa sulod sa Davaon Region ang provincial buses diin 48 ka biyahe matag adlaw ang gi-apruhan sa kasamtangan.


Gitataw ni Usop padayon kining ginalihok sa Land Transportation Franchising and Regulatory Board (LTFRB) tungod sa mga pangutana ug nagahulat kung kanus-a ang biyahe gawas sa rehiyon onse.

“Wala pa gyud tay date for kanus-a ba na siya basta ang atong nahibal-an gina coordinate pa sa atong LTFRB it’s because ang LTRB man ang nagalihok niana,” saysay ni Usop.

Dugang sa DCOTT Manager nga ayha magbaton og biyahe gawas sa Davao Region, muhatag usab og ‘go signal’ ang mga taga laing rehiyon alang niini.

Samtang, nagpabiling alas-8 sa buntag hangtud alas-4 sa hapon ang biyahe sa DCOTT sa kasamtangan.

RadyoMaN Kirby Manzon




Facebook Comments