Davao City – Gibutyag sa kadumalahan sa Davao City Overland Transport Terminal (DCOTT) nga aduna nay biyahe sa bus matag adlawng Domingo.
Sa interbyu sa DXDC RMN Davao kang Aiza Usop, DCOTT Manager, giingon niini nga aduna nay biyahe sa weekends ug abri na ang terminal alas-3 sa kaadlawon diin adunay biyahe sa bus padulong Tacloban diin alas-4 hangtud alas-5 ang first trip niini.
Samtang, alas-8 usab ang last trip sa biyahe sa bus sa terminal.
Tambag ni Usop sa mga biyahero nga magsayo labi na nga posibleng madelatar ang biyahe.
Kinahanglan usab nga magdala og dokumento nga gi-require sa adtoan o ulian nga Local Government Unit (LGU).
Gipanawagan usab sa DCOTT Manager ang mga pasahero nga mutabang og bantay sa mga kadudahang butang ug indibidwal sa palibot ug gilayong i-report sa otoridad.
Sa pagkakaron, hugot ang ginapatumang seguridad pinaagi sa Task Force Davao (TFD) sulod ug gawas sa terminal labi na nga nahitabo sa usa ka bus stop ang pagpamomba sa Tulunan, North Cotabato niadtong Enero 27, 2021.
RadyoMaN Kirby Manzon
