DCOTT bus trip: First come, first served basis

Davao City – Trese ka ruta ang naaprubahang mubyahe gikan og Davao City Overland Transport Terminal (DCOTT) padulong og Davao del Norte, Davao de Oro, Davao Oriental ug Davao del Sur karong adlawa, Hunyo 1, 2020.

Sa interbyu sa RMN Davao kang DCOTT Manager Aiza Usop, one trip per day lamang ang kada ruta ug first-come, first-served basis kini.

Sundon usab ang 50% capacity sa bus aron mapatuman gayod ang social distancing o anaa kini sa 25 ka mga pasahero.


“Diha pa lang sa entrance ang kadtong mga buses nato nga naay byahe magbutang sila’g tent ug table diha sa gawas. Naa sila’y control number nga ihatag and at the same time diha sad nila ihatag tong mga tulo ka forms (Tracing, Screening ug Omnibus Affidavit forms) nga i-fill up sa mga pasahero,” segun ni Usop.

Nanawagan usab si Usop nga magdala og kaugalingong ballpen.

Adunay health protocols nga ipatuman ang DCOTT sa tanang pasahero usa sila makasulod sa bus base sa ilahang assigned seat number.

RadyoMaN Aimee Guinita

Facebook Comments