Sa interview sa DXDC RMN Davao kang Aisa Usop, manager sa DCOTT, iyahang gisaysay nga dunay 30% nga pag-ubos sa bus trips gikan sa ilang gilaumang 1,000-1,500 nga biyahe sa maong panahon.
Nagtuo si Usop nga posibleng wala nanguli og probinsya ang uban o bin ba kaha duna na silay kaugalingong sakyanan, rason nga dili na dagsa ang mga tawo. Dugang niya, han-ay na usab ang pagsakay sa mga pasahero ilabi karon nga pwede na maka-book og ticket sa biyahe online.
“Maybe one of the reasons siguro (nga ubos ang biyahe) basi’g hinay-hinay lang gyud sila (mga pasahero) nga nagasulod o nagsakay kay we introduced this online booking pud,” sulti ni Usop.
Nagpasalamat usab ang DCOTT manager nga walay natalang mga insidente atol sa Semana Santa, rason nga gipasalamatan niini ang publiko, ang mga bus companies nga mituman sa mga palisiya sa terminal alang sa luwas nga biyahe.
RadyoMaN Kirby Manzon
