Davao City – Gikumpirma sa kadumalahan sa Davao City Overland Transport Terminal (DCOTT) nga mi-ubos na ang ihap sa mga pasahero nga maglinya pasulod sa terminal.
Sa interbyu sa DXDC RMN Davao kang Aiza Usop, DCOTT manager, gibutyag niini nga dili susama sa unang adlaw sa balik-biyahe, hapsay na karon ang sistema labi na nga ginapa booking na ang mga naglinya nga dili maapil sa biyahe sa maong adlaw.
“So far, napa-hapsay na gyud nato ang mga pasahero nga musakay diri sa DCOTT. Medyo nagkababa na pud ang mga pasahero nga nagalinya diri kay ginapa booking man nato sila,” matud ni Usop.
Gibutyag ni Usop nga ilista sa bus operators ang mga pasahero nga naglinya apan wala naapil sa biyahe aron mubalik na lamang ang nahisgutan sa ilang schedule nga adlaw.
RadyoMaN Kirby Manzon
