Sa interbyu sa DXDC RMN Davao kang Aiza Usop, manager sa DCOTT, gikalipay niini ang pagtaas sa matalang biyahe matag adlaw kung itandi sa pagsugod sa pandemya nga pinakataas na ang 400 bus trips nga matala.
Gibutyag ni Usop, sa pagkakaron anaa na sa 600 ang matalang bus trips per ug laumang mutaas pa atol sa mahal nga adlaw.
“Before the pandemic man gud, isa ni siya sa peak days, peak month nato. Muabot gyud ‘ta og 1,000 pataas (bus trips). So, hoping kundili man gani ‘ta ka-reach niana nga kadaghanon, basin muabot ta’g 700, 800 bus trips a day,” matud ni Usop.
Sulti ni Usop, sama sa naandan gina-obserbahan usab ilabi na sa mga dagkong kumpanya sa bus ang
kadaghanon sa mga pasahero diin sila mag-agad sa ilang biyahe.
Dugang sa DCOTT manager, hugot nga seguridad ang gipatuman sa terminal ug padayon usab nga giimplementar ang minimum public health standards batok Coronavirus Disease 2019 (COVID-19) ilabi na ang pagsuot og face mask.
RadyoMaN Kirby Manzon
