Davao City – Gipaniguro sa Davao City Overland Transport Terminal (DCOTT) nga adunay igong bus units ang mobiyahe sa posibleng pagdagsa sa mga pasahero karong Semana Santa.
Sa interbyu sa DXDC RMN Davao kang Aiza Usop, DCOTT Manager, gilauman niini nga posibleng modoble ang ihap sa biyahe ngadto sa 1,000 gikan sa 500 bus trips matag adlaw karong panahona.
Matud ni Usop, nagbaton na usab sila og koordinasyon sa mga bus operators aron masigurong ma-cater ang mga pasahero sa maong panahon.
“We already coordinated with the bus operators also if they can accommodate our passengers if in case nga mudagsa napud ang atoang mga pasahero because based on experience before the pandemic nga kining Holy week ang isa sa peak days nato diha sa atoang Davao City Overland Transport Terminal,” segun ni Usop.
Gisaysay ni Usop nga niadtong wala pa ang pandemic, muabot sa 1,200 hangtud 1,500 bus trips ang matala matag Semana Santa.
Gipaniguro usab sa DCOTT Manager nga hugot nga ipatuman ang health and safety protocols batok Coronavirus Disease 2019 (COVID-19) sa mga pasahero sulod sa terminal angtud sa ilang pagbiyahe.
RadyoMaN Kirby Manzon
