DCOTT mipasalig adunay igong bus nga mobiyahe sa kalag-kalag

Davao City – Adunay igong bus nga mobiyahe sa Davao City Overland Transport Terminal (DCOTT), tungod gilauman ang pagdagsa sa mga pasahero nga mouli sa mga probinsya, aron mobisita sa mga menteryo sa Kalag-kalag Nobyembre 1 og moboto karong Barangay and Sangunggiang Kabataan Election (BSKE) 2023 Otubre 30, 2023.

Sa pakighinabi sa DXDC RMN Davao kang Aisa Usop, DCOTT Head gibutyag niini, aduna nay mga bus company ang nagkuha og special permit ug depende usab kung pila ang ilang pangayuon nga special permit gikan sa Land Transportation Franchising and Regulatory Board (LTFRB-Xl).

Segun ni Usop, hugot gihapong ipatuman ang “No Pick Up Policy” sa DCOTT ug panawagan sa mga pasahero nga sa mga designated terminal sa gayud mosakay sa bus.

Gipasabot sa opisyal, posibleng adunay surprise o random drug test himoon sa mga bus driver ug conductor alang sa ‘Oplan Biyaheng Ayos. Giawhag usab ni Usop, ang mga pasahero nga mosunod sa mga palisiya, pinaagi sa pag-agi sa passenger entrance sa terminal ug mga bagahe sa baggage extreme machine, aron pagseguro nga luwas ug walay makasulod nga mga kontrabando.

“Ginabawal ang dili dapat dad-on sa terminal og ang pinaka emportante nga magsayo nalang og biyahe”,sulti ni Usop.

RadyoMaN Don Pulayao