Sumala kang DCOTT Manager Aisa Yusop, tulo ka dagkong kalihokan ang ilang gipreparahan, mao ang Barangay ug Sangguniang Kabataan Election sa Oktubre 30, 2023, Kalag-Kalag sa Nobember 1 ug 2 ug ang umaabot nga Pasko ug Bag-ong tuig sa December.
Giingon ni Yusop, gilauman na nilang daan nga daghan ang manguli nga mga botante aron mo- boto sa election sa ilang mga probinsya ug ang adlaw sa mga minatay sa sunod bulan.
Gibana-banaan ni Yusop nga anaa sa 50 mil ka mga pasahero ang laumang mudagsa sa terminal matag adlaw, busa nakig-alayon na usab sila sa mga Bus Company, aron maseguro nga aduna igong gidaghanon sa mga bus nga mobiyahe nianang mga panahona.
Alayon niini mas gipahugtan pa karon ang seguridad sa entero premises sa DCOTT sa tumong nga walay dautang elemento, sama sa mga mangunguot nga mobiktima sa mga pasahero.
Pahinumdum usab sa DCOTT Manager sa publiko, dili magdala og mga hayop ug gidili nga mga butang, aron dili malangan ang ilang pagsulod ug pagsakay sa bus sa terminal.
RadyoMaN Joel Viray
