Davao City – Kinahanglan na nga magbaton og SafeDavao QR o QR (Quick Response) Code sa Davao ang mga indibidwal nga musulod sa Davao City Overland Transport Terminal (DCOTT).
Sa interbyu sa DXDC RMN Davao kang Aiza Usop, DCOTT Manager, gibutyag niini nga himuon ang pag-check sa QR Code sa entrance nga bahin ug ayha makasulod sa terminal.
“Diha mismo sa atoang entrance, pagsulod pa lang nato, tanang pasahero gina-require gyud nato nga ma-scan ang ilang QR Code,” saysay ni Usop.
Segun ni Usop nga ang Task Force Davao (TFD) ang in-charge sa QR Code scanning diin sila usab ang mag hold sa mga indibiwal nga wala nagbaton niini.
Dugang sa DCOTT Manager nga na-obserbahan niini nga gamay lang ang pasahero bisan og padulong na ang holiday season dili susama sa milabay nga katuigan nga wala pay Coronavirus Disease 2019 (COVID-19) pandemic.
RadyoMaN Kirby Manzon
