Davao City – Naobserbahan karon sa management sa Davao City Overland Transport Terminal (DCOTT) nga hinay-hinay nang nitaas ang ihap sa mga pasahero sa terminal karon nagsugod na ang ‘ber’ months.
Sa interbyu sa DXDC RMN Davao kang Aiza Usop, manager sa DCOTT, gisaysay niini nga na-maintain karon ang 600-700 trips matag adlaw ug lauman pa kining mutaas ilabina sa gikonsiderang peak seasons sama sa Undas ug padulong sa Pasko nga muabot og kapin libo ang matala nga biyahe.
“Gi-preempt napud nato ang influx of passengers. Atoang gibutangan og guard ang atoang employees gate aron pagdaghan kaayo ang mga pasahero, ilaha kining paga-abrihan,” matud ni Usop.
Sa pagkakaron, mas gipahugtan usab ang seguridad sa terminal pinaagi sa Task Force Davao nga naga-check sa bagahe pagsegurong walay makasulod nga kontrabado o ginadili nga butang pasulod sa terminal.
RadyoMaN Kirby Manzon
Facebook Comments
