Davao City – Nangayo karon og dispensa ang kadumalahan sa Davao City Overland Transport Terminal (DCOTT) sa temporaryong pagsirado sa passenger lounge sa maong terminal.
Sa interbyu sa DXDC RMN Davao kang Aiza Usop, DCOTT manager, gibutyag niini nga gisirado ang airconditioned nga waiting area sa terminal tungod kay dili kini luwas gamiton tungod sa cracks nga naangkon human sa sunod-sunod nga linog.
“Naa tay aircon nga waiting area nga atong gi-temporary closed karon tungod sa findings sa atong City Engineer’s Office nga adunay mga cracks kini tungod sa mga miagi nga linog,” segun ni Usop.
Dugang ni Usop nga subay usab sa pag examine sa City Engineer’s Office, ipatan-aw usab kini sa Philippine Institute and Civil Engineers aron masuta ug mapaayo kung gikinahanglan.
RadyoMaN Kirby Manzon
