Davao City – Kadtong adunay control/booking number og forms ang mamahimong makasulod sa Davao City Overland Transport Terminal (DCOTT).
Sa interbyu sa DXDC RMN Davao kang Aiza Usop, DCOTT Manager, gibutyag niini nga hatagan ang pasahero sa bus operators sa gawas og omnibus form, tracing form ug screening form nga maoy i-fill up aron makasakay.
Ugaling dili maapil sa biyahe sa maong adlaw, sigurado nang maapil sa biyahe ang pasahero tungod kay aduna na kini control/booking number sa iyang schedule sa biyahe sa sunod adlaw.
“Kung kamo mag ari diri sa atoang terminal ug dili mo ma-accomodate karong adlawa, magsulat nalang mo sa inyong mga pangalan aron ma-accomodate mo next day or the following day,” esplikar ni Usop.
Sa pagkakaron, nagpabilin ang sistema nga usa ka biyahe matag adlaw gikan Davao City padulong sa mga probinsya sulod sa Davao region ug vice versa.
RadyoMaN Kirby Manzon
