Davao City – Giawhag sa kadumalahan sa Davao City Overland Transport Terminal (DCOTT) ang mga pasahero nga ipaabot kanila kung aduna may reklamo o ilang dili maayong masinatian sa terminal.
Sa interbyu sa DXDC RMN Davao kang Dr. Aisa Usop, manager sa DCOTT, gibutyag niini nga abli ang public assistance counter sa entrance sa DCOTT kung adunay reklamo ang mga pasahero sa peddlers, porters ug canvassers o mga personahe sa terminal.
“Kung naa moy mga reklamo, idiretso og reklamo diha sa atong mga people nga in-charge diha. Dili nato kanang dihaa ‘ta magyawyaw diha sa Facebook or unsa because dili lang gihapon na nako makita or dili makita sa atoang staff,” sulti ni Usop.
Samtang, una nang gibutyag sa DCOTT manager nga lauman na ang hinay-hinay nga pagdagsa sa tawo ilabi na karong Disyembre ug sa DCOTT gihapon gitugot ang pagsakay samtang nagpabiling epektibo ang “No Pick-Up” policy gawas sa terminal.
RadyoMaN Kirby Manzon
Facebook Comments
