Sa interbyu sa DXDC RMN Davao kang Aisa Usop, DCOTT manager, gibutyag niini nga taas na ang linya sa mga pasahero pasulod sa terminal diin kini laumang mudaghan pa karong weekend, ilabi na karon nga moabot na sa kapin libo ka bus trips ang matala sa usa ka adlaw.
Matud ni Usop, nakig-koordinar na ang mga bus companies sa Land Transportation Franchising and Regulatory Board (LTFRB)-XI, aron sila mahatagan og special permit alang sa igong sakyanan nga mobiyahe.
“Actually, atong gi-coordinate nato sa mga bus operators nga dapat naa silay reserba nga mga bus nga maka-accomodate sa atoang mga pasahero if in case nga biglang mudaghan gyud sila,” sulti ni Usop.
Nangayo usab og despensa ang DCOTT management nga adunay pagkadelatar sa biyahe ilabi na sa mga long distance destinations sama sa Cagayan ug Cotabato tungod kay kinahanglan usab nga magpahulay ang mga driver ug konduktor.
RadyoMaN Kirby Manzon
