Sa interbyu sa DXDC RMN Davao kang Aisa Usop DCOTT Head giingon niya, nakig-koordinar na ang DCOTT Management sa mga sakop sa Civil Security Unit (CSU), Task Force Davao ug ginsakpan sa kapulisan nga kinahanglang magdugang og mga personahe nga mobantay sa terminal.
Segun ni Usop, ang mga entry sa bus adunay ipahigayon nga pag inspeksyon sa running board sa mga bus nga mobiyahe mosulod og mogawas sa terminal.
Gi-awhag usab ni Usop ang mga pasahero nga moagi sa passenger entrance sa terminal aron pagseguro nga mapailawom sa scanner machine ang ilang mga bagahe.
Dugang sa opisyal, ipatuman gihapon ang ‘No Pick Up’ Policy aron pagseguro nga luwas ang mga pasahero subay kini sa gipatuman nga Ordinansa sa dakbayan sa Davao.
“24/7 ang atoang operation ingon sab ang atong security implementation nato sa security forces 24 oras gyud,,,panawagan sa katawhan nga dili lang mga pasahero nga kita magtinabangay noh,kun duna kitay mamatikdan ato dayon isumbong sa atoang mga kapulisan o men and uniform “,sulti ni Usop.
Kahinumduman, unom ka pasahero ang nasamdan human mibusikad ang gituohang Improvised Explosive Device o (IED), ang usa ka bus (Husky) giingong gikan sa Cotabato City og paingon unta sa General Santos City didto sa Isulan, Sultan Kudarat.
RadyoMaN Don Pulayao
