Sa interview sa DXDC RMN Davao kang Aisa Usop, DCOTT Head gibutyag niini, adunay augmentation nga motabang sa pagbantay gikan sa mga personahe sa Public Safety and Security Command Office (PSSCO), Civil Security Unit (CSU), Task Force Davao ug Ecoland Police Station.
Segun ni Usop, gi-istriktohan usab ang pagbantay sa entrance sa terminal og pag-inspection sa mga bagahe pinaagi sa extreme machine, aron pagseguro nga luwas ang mga pasahero ug walay makasulod nga mga kontrabando sa syudad sa Davao.
Giawhag usab ni Usop, ang mga pasahero nga mosunod sa mga palisiya. Gidili usab ang pagdala sa mga mahait nga butang ug endangered species of plant and animals. Kung magdala kinahanglan adunay clearance gikan sa Department of Environment and Natural Resources (DENRl or Bureau of Fisheries and Aquatic Resources (BFAR).
RadyoMaN Don Pulayao
