Davao City – Doble kayod ang mga drivers karon aron duna pay mauli sa ilang pamilya human nga nagtaas ang presyo sa petrolyo tungod sa Tax Reform for Acceleration and Inclusion (TRAIN) law tungod sa excise tax sa petrolyo, gawas niini grabe usab ang pagbudget karon sa ubang drivers sa van ug bus alang sa pagtaas sa terminal fee sa Davao City Overland Transport Terminal (DCOTT).
Sa pakighinabi kang (DCOTT) manager Aisa Usop, gisulti niini nga nagsugod na ang pagkolekta sa bag-ong gipatumang terminal fees sa nasangpit nga terminal.
Sumala ni Usop laumang modoble ang collection karong tuiga tungod sa pagtaas sa terminal fees kun itandi sa miaging tuig diin gibana-banaang anaa sa 24,600,000 pesos ang nakolekta.
Ang PUV nga kaniadtoy 30 pesos lang matag byahe, karon misaka na sa 100 pesos, ang bus nga dunay 50 pesos nga terminal fee, karon anaa na sa 200 pesos samtang ang van nga gikan sa 25 pesos misaka na ngadto sa 75 pesos matag byahe.
RadyoMaN Renz Barbarona
