Davao City- Gikagul-an sa daghang mga drivers ang pagsaka sa terminal fees and charges sa terminal dinhi sa syudad sa Davao karong tuiga.
Sa interview sa DXDC RMN Davao kang Renante Ulane, van driver dinhi sa syudad, naguol siya sa maong pagsaka apan wala silay mabuhat kundi musunod sa maong mando aron makapadayon sa pagpamasada.
Sumala ni Aisa Usop, Davao City Overland Transport Terminal (DCOTT) manager atol sa pakighinabi sa DXDC kaniya nga ang pagsaka sa terminal fees and charges tungod sa pag amyenda sa Revenue Code of 2017 dinhi sa dakbayan.
Ang PUV nga kaniadtoy 30 pesos lang matag byahe, karon misaka na sa 100 pesos, ang bus nga dunay 50 pesos nga terminal fee, karon anaa na sa 200 pesos samtang ang van nga gikan sa 25 pesos misaka na ngadto sa 75 pesos matag byahe.
Gikatakdang ipatuman karong bulana sa DCOTT ang pagsaka sa terminal fees sa mga PUVs, bus ug van dinhi sa syudad.
“Last nga gipublish ni siya was December 29, supposedly dapat December 30, giinform ta nga karong January nato siya iimplement,” sigun ni Usop.
RadyoMaN Renz Barbarona
