Davao City – Gibutyag sa kadumalahan sa Davao City Overland Transport Terminal (DCOTT) nga makasakay na ang mga musulod sa terminal ug dili na kinahanglang mubalik sa sunod adlaw.
Sa interbyu sa DXDC RMN Davao kang Aiza Usop, DCOTT Manager, gibutyag niini nga dili na kinahanglan magpa-booking gumikan kay daghan na usab ang bus nga nagabiyahe paingon sa nagkadaiyang probinsya.
“Mao nay isa nga nasulbad nato nga problema. No need of booking na. In fact, even kadtong mga walk-in nga mga pasahero makasakay na gyud sila,” segun ni Usop.
Gibutyag ni Usop nga miabot na sa 62 ka biyahe ang nagalarga matag adlaw human gidugangan ang mga ruta nga daghan ang naga sakay nga mga pasahero.
Dugang sa DCOTT Manager nga nagpabiling walay biyahe sa Dominggo diin Lunes hangtud Biyernes lamang ang biyahe gikan Davao City to Davao del Norte. Samtang Lunes hangtud Sabado ang biyahe sa ubang probinsya sulod sa rehiyon.
RadyoMaN Kirby Manzon
