Davao City – Malinawon ang una’ng adlaw sa Misa de Gallo sa mga Katoliko dinhi sa syudad sa Davao nga gisugdan kagahapong adlawa (December 16, 2020).
Sa interbyu sa DXDC RMN Davao kang Police Captain Rosario Aguilar, Spokesperson sa Davao City Police Office (DCPO), gibutyag niini nga walay mga dagko’ng insidente sa unang adlaw sa maong pagsimba diin gisiguro usab nga anaa ang presenya sa kapulisan sa pagbantay sa mga manimbahay.
“Ang overall na man ganinang kaadlawon (December 16, 2020) is peaceful man pud ug under control. Naa may mga kasikas gamay, mga tolerable lang, pwede ra siya maistoryahan,” matud ni Aguilar.
Positibo usab ang DCPO Spokesperson nga mas mahan-ay ug maplastar ang mga indibidwal labi na kadto’ng dili na makasulod sa simbahan tungod sa gipatumang 30% maximum capacity sulod niini.
Nasayran nga aduna nay gibutang nga bangko sa gawas ang ubang simbahan aron maakomodar ang mga dili na makasulod nga buot musimba.
RadyoMaN Kirby Manzon
