DCPO: 6 ka drug pusher patay sa operasyon

Davao City – Dili mu-ubos sa unom ka indibidwal ang napatay sa sunod-sunod nga operasyon kontra droga sa kapulisan sa syudad sa Davao, sulod lang sa pila ka semana karong tuiga.

Sa datos nga gipagawas ni DCPO Spokesperson Police Captain Hazel Tuazon, sa Agusto 20-26, lima ka drug pusher ang napatay sa mga pulis sa Presinto 3, Presinto 9, Presinto 16, ug Presinto 20, samtang 43 ka individual ang nadakpan.

Sa Agusto 27 hangtod September 2, 2023, usa ka pusher ang napatay sa mga elemento sa Presinto 8, samtang 35 ka buok ang nasikop sa mga operasyon.

Gikanayon ni Tuazon, inay motahan ang maong mga pusher, misukol kini pinaagi sa pagpusil sa mga pulis hinungdang napusilan sa awtoridad nga miresulta sa kamatayon.

Dugang ni Tuazon, ang kapulisan nakakumpiska og marijuana nga mokantidad sa dol-an P2M, samtang dol-an usab sa P7M sa shabu ang kantidad. Anaa sa 88 na ka tawo ang nakasohan tungod sa kalapasan sa Republic Act 9165 o Comprehensive Dangerous Drugs Act of 2002.

RadyoMaN Joel Viray