DCPO abli sa imbestigasyon sa ‘pagsukol-patay’ sa NPA member

28

Davao City – Abli ang Davao City Police Office (DCPO) kung aduna may imbestigasyon sa nahitabong pagka-neutralisa sa membro sa Pulang Bagani Command 1 sa New People’s Army (NPA).

Segun ni DCPO spokesperson Police Capt. Ma Teresita Gaspan nga nisukol-patay ang target sa warrant of arrest sa nagkadaiyang kaso si Benjie Clarion o alyas JB sa may Blk 35, Lot 17, Rosalina 3, Brgy. Baliok, Talomo District pasado alas 10 sa buntag adlawng Dominggo.


Segun ni Gaspan awtomatik nga adunay motu propio investigation nga pagahimuon ang Davao City Internal Affairs Service subay sa maong insidente.

Matud ni Gaspan nga kasong murder ang usa sa giatubang sa suspek kinsa gitudlong usa sa mga responsable sa pagpatay kang PS 11 Baguio PNP Intelligence officer PO3 Wilfredo Garol niadtong 2017.

Pipila sa mga narekober sa suspek ang .38 nga armas, shabu, granada ug uban pang mga kagamitan.

RadyoMaN Aimee Guinita

Facebook Comments

From Advertisers