Davao City – Abri ang Davao City Police Office (DCPO) nga suportahan ang desisyon sa Police Regional Office (PRO) XI nga i-review ang Bragas rape slay case.
Atol sa APF-PNP press conference gahapon, August 7, 2024, gibutyag ni Police Captain Hazel Tuazon, ang spokesperson sa DCPO nga andam silang sundon kung unsa man ang mando ni PRO XI director PBGen. Nicolas Torre III.
“Mao manay statement sa atoang regional director, dili ta maka-question ana. Isip amahan sa Police Regional Office (PRO) XI, iyaha ng katungod. Iyaha mang giingon nga i-review, mu-support ra gyud instructions sa office,” segun ni Tuazon.
Kahinumdoman nga niadtong May 2023, napalgang patay si Architect Vlanche Marie Bragas sa sagingan nga bahin sa Dacudao, Calinan, Davao City nga kumpirmadong gilugos una gipatay.
RadyoMaN Ivy Parido
Facebook Comments
