Sa interbyu sa DXDC RMN Davao kang Police Major Catherine Dela Rey, Spokesperson sa DCPO, gisulti niya nga wala kaayo naga tutok ang mga kapulisan sa pagbantay sa sulod sa eskwelahan tungod under kini sa school administration apan kun mangayo kini og tabang andam ang mga personahe sa pagbantay.
Segun ni Dela Rey sa karon wala pamay nangayo’g tabang nga mga pampubliko o pribadong eskwelahan nga dunay gika report nga nanigarilyo ug naggamit og vape.
Subling nagpahimangno si Dela Rey sa mga magtutudlo kinahanglan og giya ang tinun-an ug importanteng ipasabot sa mga estudyante kung unsa gyud ang dili maayong epekto nga makuha gikan sa sigarilyo.
“Sa mga eskwelahan public and private importante ang guidance sa mga estudyante. I-apil sa ilahang pakipag isturya sa mga bata o sa ilahang mga klase, i-remind sila nga dili maayo manigarilyo ug ipakita unsa ang mahitabo sa lawas sa usa ka tao nga manigarilyo,” sulti ni Dela Rey.
Kahinumdoman ang Philippine National Police (PNP) nagkanayon nga ilang gukdon ang mga menor de edad nga nanigarilyo ug nag-vape sa mga tunghaan.
RadyoMaN Don Pulayao
