Davao City – Nagtuo ang Davao City Police Office (DCPO) nga dili mamahimong hinungdan sa pagtaas sa kaso sa Coronavirus Disease 2019 (COVID-19) ang pagtugot sa angkas o motorcycle backriding nga dili lamang limitado sa mga magti-ayon.
Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga ang pag-amend sa City Government of Davao sa Executive Order (EO) labot sa angkas, nagsubay gihapon sa pagtugot sa mga health officials diin kinahanglan gihapong tumanon ang health protocols batok sa COVID-19.
“I don’t think so nga mao pud nay una nga hinungdan nga mukalat (ang COVID-19) ka yang atoang basic nga protocol nga gina-observe mao man gihapon ang ipatuman although dili lang magti-ayon ang mo-angkas,” tataw ni Aguilar.
Giklaro ni Aguilar, istrikto gihapong ipatuman ang pagsu-ot sa drayber ug pasahero sa face mask, helmet, ug barrier sa motorsiklo diin matud niini ubay-ubay na ka mga indibidwal ang ilang nadakpan gumikan sa wala pagbaton og motorcycle barrier.
RadyoMaN Kirby Manzon
