Davao City – Nagpabiling epektibo gihapon ang giimposar nga balaod sa pagdili sa angkas sa motorsiklo dinhi sa dakbayan sa Davao.
Sumala kang Davao City Police Office (DCPO) Director Police Col. Kirby John Kraft, wala pa silay nadawat nga mando sa pagtugot na sa backride.
“Walang problema kung may guidance na i-allow, susundin natin iyan at ipapatupad. Kung ano man ang ipalabas nila na guidance i-enforce ng pulis kasi enforcement lang naman ang PNP particular na ang Davao City Police Office,” segun ni Kraft.
Gipasabot ni Kraft nga gi-ban ang angkas tungod sa gi-obserbang health measures sa physical distancing aron mapugngan ang pagkaylap sa COVID-19.
Sa hangyo nga pamilya ang muangkas, matud ni Kraft nga taas kini nga proseso alang sa mga awtoridad diha sa pagsusi kung lehitimong kabanay ba sa driver sa motor ang iyahang angkas ug mamahimo kining hinungdan sa traffic congestion sa checkpoints.
Sa Davao City, walay nasikop sa pagsupak sa quarantine protocol diha sa angkas sumala kang Kraft.
RadyoMaN Aimee Guinita
