Davao City – Dakong hagit alang sa Davao City Police Office (DCPO) ang pagsulbad sa kaso kalabot sa mga napalgang mga parte sa lawas sa tao sa Buhangin ug sa Bajada karon lang semanaha.
Sumala ni DCPO spokesperson P/Sr. Insp. Ma. Teresita Gaspan, back to zero ang imbestigasyon karon ug blangko pa sila sa identity sa biktima ug sa mga suspek nga nibilin sa maong patay’ng lawas.
“Medyo talagang complicated ito kasi sa tingin natin clever ang gumawa nito naay mga talinghaga sa atong mga huna-huna sa pagkakaron, this is complicated pero dili ta muhunong sa pag-imbestiga ug pagkalkal ani nga paghitabo para madakpan nato kung kinsa ang mga responsable ani,” segun ni Gaspan.
Matud ni Gaspan posible usab nga dili kini taga-Davao City.
Nakigkoordinar ang mga station commanders sa mga barangays kung aduna bay mga missing person.
Sumala ni Gaspan aron masegurado kung aduna may mu-claim nga pamilya sa maong patay’ng lawas angay gayod nga mupailawom sa DNA testing.
RadyoMaN Aimee Guinita
