Davao City – Nagpabiling ‘unidentified’ ang patay’ng lawas nga gitagod-tagod ug napalgan didto sa Cabantian Road, Buhangin, ning syudad sa Davao.
Kini human gikumpirma sa pamilya Albarico nga buhi ang ilang anak nga si Margie Albarico, 31 anyos, kinsa nawala niadtong Hulyo 26 alas 3:00 pasado sa kahaponon didto sa ilang panimalay sa may Purok 4-B, Aranas Compound, Matina Pangi, Talomo ning dakbayan sa Davao.
Sumala pa giturn over sa Compostela Municipal Police Station sa usa ka concerned citizen kagabi si Margie ug nagkita sa mga kabanay niini alas 3:45 kaganihang kadlawon diin kasamtangang gabyahe pauli sa Davao City.
Sa gipagulang pamahayag sa Davao City Police Office (DCPO), gitino niini nga usa ka mistaken identity lamang ang nahitabong pag-claim sa gitagod-tagod nga lawas sa usa ka babaye.
RadyoMaN Jason Amisola
