Davao City – Gibutyag sa Davao City Police Office (DCPO) nga padayon ang ilang pag aresto sa mga makalapas kun violators sa health and safety protocols batok sa Coronavirus Disease 2019 (COVID-19).
Sa interbyu sa DXDC RMN Davao kang Police Captain Rosario Aguilar, DCPO Spokesperson, gibutyag niini nga nagapaabot pa sila sa opisyal nga direktiba ni PNP chief general Dibold Sinas nga dili na arestuhon inay istoryahon ug pahinumduman lamang ang wala nag-face mask ug face shield.
Sa pagkakaron, hugot nga ginapatuman sa kapulisan ang mga ordinansa sa City Government of Davao labi na batok sa COVID-19 labi na nga padayon ang pagtaas sa COVID-19 cases sa dakbayan.
“Isa na siya sa ginapatuman nato kay tanan ma’ng health protocols nga na-belong ato gyud na’ng iapil didto sa mga violators,” matud ni Aguilar.
Sa laing bahin nagpaabot pa pud ang DCPO ug opisyal nga kamanduan kung magpatuman og muzzle taping ang kapulisan sa holiday season.
RadyoMaN Kirby Manzon
