Davao City – Nagmalinaon ug walay natala nga firecracker-related incidents ang Davao City Police Office atol sa pagsugat sa Bag-ong Tuig 2019.
Sumala ni Senior Supt. Alexander Tagum, DCPO director, walay natala nga bayolasyon sa firecracker ban ang 12 ka mga police stations sa dakbayan sanglit nahimong epektibo ang kampanya sa lokal nga panggamhanan ug kapulisan.
Gawas sa information drive, naglusad usab ang DCPO uban ang Public Safety and Security Command Center (PSSCC) og round the clock mobile ug foot patrol sa mga residential areas sa syudad aron mapaniguro nga walay mamahimong bayolasyon sa firecracker ban.
Subay niini, mapasalamaton ang DCPO ug PSSCC sa kooperasyon sa mga Dabawenyo gumikan walay natala nga naangol gumikan sa paglapas sa firecracker ban.
Kahinumdoman nga kaniadtong 2002 napasa ang maong balaud apan wala kini nagbabag aron mamahimong malipayon ang pagsaulog sa Dabawenyo sa holidays gumikan anaa ang mga kaldero ug torotot aron gamiton sa pagsaba-saba.
RadyoMaN Jason Amisola
