Subay sa nag-viral nga kotseng nag drifting sa Maa Bypass Road nagpahimangno ang mga awtoridad nga hugot nga respetuhon ang balaod partikular na speed limits.
Pinaagi sa pagtamod sa balaod malikayan ang mga disgrasya sa kadalanan ug luwas ang ubang mga motorista ug isaulo kanunay ang responsible driving.
Kahinumduman, nga nangayo’g sorry ang drayber sa nag viral nga video nga si Siradj Pinguianman, 28 anyos, negosyante nga taga-Pansacala Street, Rosary Heights, Cotabato City.
Sumala sa drayber nga naagni siya sa mga barkada nga himuon ang drifting exhibition ug giangkon nga sayop kini kay gihimo niya sa highway nga pweding makadisgrasya og uban pang mga motorista o pedestrian.
Apan bisan pa ma’g nag-public apology na ang nag-viral nga drayber segun sa Davao City Police Office pinaagi sa regular filing ipasaka gihapon ang kasong paglapas sa Republic Act 4136 Land Transportation and Traffic Code pati na paglapas sa City Ordinance sa speed limit.
RadyoMaN Aimee Guinita
