Sa statement ni Col. Marantan pinaagi sa DCPO Facebook page, iyahang gisaysay nga lima ka mga babae nga mga miyembro sa Pastoral Community ang nagbutyag nga bisan og 13 anyos pa lang sila, gimolestiya na sila ni Quiboloy ug sila gibaharan sa ginatawag nga “Angels of Death” kung sila mulapas sa ginatawag nga code of secrecy o pagsumbong niini.
Gidugang sa nahisgutan nga wala sila mitug-an dayon sa kapulisan o kasundalohan tungod kay naobserbahan matud pa nila nga nahadlok ang awtoridad sa pastor.
Matud ni Col. Marantan nga kinahanglang maaksyonan gilayon ang maong mga insidente, ilabi na ang report sa mga kababainhan.
Sa katapusan, nagbilin pa og statement ang DCPO Director kalabot sa seryosong aksyon sa kapulisan batok sa mga tawong dili maayo ang binuhatan. Kini aron mapabilin ang kalinaw ug maprotektahan ang katawhan ilabi na ang mga kabataan.
“NOW FOR US ALL, let me use this statement: IF A THOUSAND WICKED SHOULD BLEED, FALL, AND BE KILLED TO PROTECT AND PRESERVE THE PEACEFUL EXISTENCE OF MANY, especially our CHILDREN, who are the symbols of hope and our future, THEN PREPARE THE BURIAL GROUNDS FOR THE FALLEN THOUSAND,” panapos nga pamahayag sa police official.
RadyoMaN Kirby Manzon
