Davao City – Dili magduha-duha ang hepe sa Davao City Police Office kun DCPO nga pahamtangan og silot ang mga pulis nga muhimo og kasamok sama sa pagmaoy o pagka-abusado.
Kini ang bahad ni DCPO Chief Police Senior Supt. Alexander Tagum ngadto sa iyang mga ginsakpan human nga nagmaoy ug napriso ang usa ka pulis tungod nahubog sa South Villa, Maa ning syudad.
Kahinumduman nga niadtong adlaw’ng Biyernes, napriso sa Talomo PNP ang giilang si PO3 Nelson de Vera Galvan, 43 anyos, taga-Maa ning syudad human nga nagpatabang sa kapulisan ang usa ka 23 anyos nga estudyante nga anaa sa gawas niadtong tungora aron mangita lang og signal sa cellphone apan matud pa kalit siya gibunlotan ug gikasahan sa maong pulis gumikan sa kahubog.
RadyoMaN Renz Barbarona
