Davao City- Nagpatawag og emergency case meeting si Davao City Police Office (DCPO) city Director Police Sr. Supt. Alexander Tagum ngadto sa mga Station Commanders sa dose ka Police Stations dinhi sa siyudad sa Davao.
Sumala pa ni DCPO spokesperson Police Sr. Inspector Maria Teresita Gaspan nga tumong sa pagpatawag ni Tagum mao ang aron mabantayan nila ang ilang ginsakpan ug sutaon og nakasinati ba og problema o duna bay gihambing nga depresyon.
Dugang ni Gaspan nga pinaagi niini, matambagan ang kapulisan sa og unsay angay buhaton ug dili buhaton og nakasinati og mga problema.
Subay kini sa panghitabo sa usa ka pulis nga matud pa ‘emotionally distress’ nga si SPO1 Roger Padayogdog human nga nakigpinusilay sa iyang kauban pulis kagabii nahitabo sa may CP Garcia High way, Buhangin ning dakbayan nga miresulta sa iyang kamatayon.
RadyoMaN Don Pulayao
