Davao City – Hugot ang pagpangdam sa Davao City Police Office (DCPO) alang sa seguridad nga ipatuman sa selebrasyon sa Chinese New Year karong Sabado Pebrero 10, 2024 sa syudad sa Davao.
Sa pakighinabi sa DXDC RMN Davao kang Police Captain Hazel Tuazon, Tigpamaba sa DCPO gibutyag niini, dul-an 200 ka pulis gikan sa DCPO ang i-deploy nga mobantay sa maong aktibidad.
Segun ni Tuazon, motabang usab sa kapulisan sa pagbantay, ang mga sakop sa Police Auxiliary, Volunteers ug Force Multiplier.
Gipasabot sa opisyal, prayoridad nga bantayan ang sentro sa maong aktibidad nga ipahigayon sa San Pedro Square, diin magmuntar usab og mga Police Assistant Desk.
“Naa man gyod na diha nagabutang ang San Pedro Police Station para just in case naay problema dali ra maduol diha sa may San Pedro Square’, sulti ni Tuazon.
RadyoMaN Don Pulayao
Facebook Comments
