Davao City – Seryoso ang Davao City Police Office (DCPO) sa kampanya batok iligal nga aktibidad bisan pa og kaubanang personahe ang malambigit niini.
Sa interbyu sa DXDC RMN Davao kang Police Capt. Rosario Aguilar, DCPO Spokesperson, gisaysay niini nga wala gina ‘tolerate’ sa DCPO ang maong binuhatan ug angay manubag sa balaod ang nahisgutan.
“Klaro na nga ang Davao City, dakpon gyud ang malapason sa mga balaod diri bisan pa og ingnon nato nga among kauban, pereho ra namo og uniporme basta musupak siya sa balaod,” tataw ni Aguilar.
Kahinumduman nga gi-aresto ang usa ka pulis nga giingong hubog ug nanghasi sa checkpoint sa Bago Gallera, Davao City.
Samtang, sikop usab ang laing pulis nga nagmaoy sulod sa Southern Philippines Medical Center (SPMC) ug namusil pa sa iyang kaubang pulis. Napasakaan na usab og tukmang kaso ang nahisgutan.
RadyoMaN Kirby Manzon
