Nikatag ang balita ug mga posts sa social media nga aduna’y usa ka bata ang kabsan sa kinabuhi human naigo sa nahagbong nga crane sa Paragon, Davao City atol sa pagtay-og gahapong adlawa, November 17, 2023.
Sa pagpanubay sa DXDC RMN Davao sa mga otoridad sama sa Davao City Police Office (DCPO) ug Ecoland Police Station, gikumpirma nga wala’y namatay nga bata sa dakbayan human ang 6.8 magnitude nga linog sa Davao Region kung asa nisentro sa Sarangani, Davao Occidental.
Sa pakighinabi usab sa DXDC RMN Davao kang DCPO Spokesperson Police Captain Hazel Tuazon, siya nag awhag sa publiko nga dili dayong mutuo sa mga impormasyon kung dili kini gikan sa mga otoridad aron wala’y mabalaka nga mao hinuon ang rason sa mga disgrasya.
Dugang sa opisyal nga magpabiling alerto ug maminaw kung unsa man ang pahimangno aron malikayan nga aduna’y kinabuhi nga mabutang sa peligro.
RadyoMaN Ivy Parido
Facebook Comments
