Sa datos, mukabat sa kapin 23K ka kaso sa VAWC ang natala sa syudad sa miaging tuig, apan suma ni DCPO Spokesperson Police Captain Hazel Tuazon nga mas kunhod na kini kung basihan ang 2023 record ikumpara sa 2022.
Sigun ni Tuazon nga mas taas ang ekonomikanong pangabuso, samtang mas ubos ang pagpangabusong pisikal subay sa VAWC Cases Index 2023.
Matod ni Tuazon nga pipila sa mga rason nganong wala masuportahi sa pinansiyal ang pamilya kay tungod sa bisyo, panagbuwag ug uban pang hinungdan.
Niini, dismayado usab ang DCPO kay dunay mga Misis wala na magduso og kaso diin ang uban nagduso pa og petition of desistance nunot sa kaluoy ug sa kawad-on sa mga Misis.
Apan bisan paman niini, pursigido gihapon ang DCPO sa pag-adto sa mga Kabarangayan aron edukahon ang mga Kababainhan mahitungod sa Balaod nga Republic Act 9262 kon Violence Against Women and Children kon VAWC sarang masayod sila sa ilang katungod batok sa abuso nga himoon sa ilang mga Bana ug sa mga Partners.
Radyoman Joel Viray
