Davao City- Gipangandaman sa Davao City Police Office (DCPO) ang pagsaka pa sa mga kaso sa pagpangtulis ug kawat karong ‘ber months.
Sumala ni Police Captain Hazel Tuazon, DCPO spokesperson, gipaningkamutan sa kapulisan nga dili makahigayon ang mga kawatan sa pagsiaw ug padayong mamiktima partikular na sa mga establisyemento.
Gipalig-on sa DCPO ang seguridad sa pagpakusog sa police visibility.
Nakigkoordinar ang mga awtoridad sa kada barangay aron pahugtan usab ang ilahang pagbantay ug pagmonitor sa mga nalambigit na sa mga robbery ug theft incidents.
Nanawagan si Tuazon sa publiko nga mag-alerto ug dili magkumpyansa kung anaa sa mga public places ug kung mubiya man sa tagsa tagsa ka mga panimalay.
Kung adunay mga suspisyusong mga tawo sa palibot giawhag kini nga ireport sa kapulisan aron maaksyuhan dayon kini.
RadyoMaN Aimee Guinita
Facebook Comments
