Sa pakighinabi sa DXDC RMN Davao kang Police Captain Hazel Tuazon, Spokesperson sa DCPO gibutyag niini, hugot nga seguridad ang gipatuman sa dakbayan karong Pasko og pagsugat sa bag-ong tuig 2024.
Segun ni Tuazon, bisan og gi-istriktohan ang mga border control og checkpoint, apil na usab nga ginasita ang mga negosyante sa firecracker o mga pabuto nga moagi ug ginapangitaan usab og mga dokumento ang i-biyahe ngadto sa mga probinsya.
“Kung naa gyod diri sa sulod ginatinda nila nga tago tago i-confiscate gyod nato… pero so far wala pa tay na confiscate nga any firecracker”, sulti ni Tuazon.
Gipasabot usab sa opisyal, istriktong gipatuman ang firecracker ban sa dakbayan ug wala pay mga nakalapas o nadakpan nga nagbaligya og mga pabuto.
RadyoMaN Don Pulayao
