Sa interview sa DXDC RMN Davao kang Police Captain Hazel Tuazon, ang tigpamaba sa DCPO, iyahang giangkon nga adunay panahon nga sila maglisod sa pagresolba sa kaso tungod adunay mga krimen nga mahitabo sulod mismo sa panimalay ug walay saksi nga makahatag kanila og impormasyon.
Nagpadayon karon ang ilahang koordinasyon sa tanang police stations sa dakbayan ingon man sa mga opisyales sa barangay aron mapakusgan ang patrol rehiyon onse ug police visibility ilabi na sa mga hilit nga lugar.
Gitutokan sa ilahang buhatan ang pagsulbad sa kaso sa babaeng napalgang patay sa Bayabas Toril pinaagi sa manhunt operation aron masikop ang suspect sa krimen.
Samtang mapasalamaton usab si Tuazon sa San Pedro PNP ug sa Digos City PNP sa daling pagkasikop kang Marcial Gonzales, ang suspect sa pagpanunggab-patay sa duha ka babaye sa barangay 2A.
Subling nagpahinumdom ang otoridad sa publiko ilabi na niadtong nagarenta lamang nga susihon una ang palibot ug ang mga tawo sa gipuy-an. Ug kung mamatikdang dili na luwas ang lugar, mamahimong mubiya na ug muduol sa kapulisan.
RadyoMaN Ivy Parido
