Sa interbyu sa DXDC RMN Davao kang Police Captain Hazel Tuazon, DCPO spokesperson, tungod sa giingong gihambing balatian ug sa edad niini wala kini gisagol sa mga ubang mga detainees.
Apan gitataw ni Tuazon nga bantay sarado sa mga pulis ang suspek sulod sa Buhangin Police Station.
Napasakaan na kini’g kasong murder ug gihulat ang commitment order sa korte aron mabalhin na kini sa Davao City Jail.
Segun ni Tuazon, adunay laing person of interest pa silang ginaimbestigahan sa murder case.
Sa autopsy result, cerebral hemorrhage secondary to severe multiple blunt traumatic injuries of the head ang cause of death sa biktima.
Gilimod ni Pagatpatan nga siya ang responsable sa mangilngig nga krimen taliwala nga naidentipika kini pinaagi sa nag-viral nga CCTV footage nga giguyod niini ang biktima gamit ang cart ug gilabay daplin sa kalsada sa may Deca Homes, Cabantian.
RadyoMaN Aimee Guinita
